>> बेरक्याला माहिती देण्यासाठी ई - मेल करा - berkya2011@gmail.com

सोमवार, २५ जुलै, २०१६

पत्रकारांनो, तुमच्यासाठी हे महत्त्वाचं आहे...

काळ बदलला, तसे पत्रकारितेत बरेच बदल झाले. कागदावर बातम्या लिहिणारे संगणकावर बातम्या टाइप करू लागले. पत्रकार हा शब्द मोठा व्यापक आहे, यात संपादकापासून तर गावातील वार्ताहर समाविष्ट होतो. तूर्त आपण कार्यालयातील संपादकीय विभागाबद्दल बोलू या ...
पत्रकारितेत जेही नवीन तंत्रज्ञान आले, ते बदल अर्थात फॉलो करण्याचे काम संपादकीय टीमवर येऊन पडते. सध्याच्या काळात बातमीदार स्वतःची बातमी स्वतः टाइप करतात, उपसंपादक संगणकावरच ती संपादित करतात, हे बदल संपादकीय विभागाने आत्मसात केले आहेत. आता त्यापुढे पाऊल ठेवण्याचे दिवस आले आहेत. अर्थात हा बदल लोकमतने बहुतांश प्रमाणात आणि काही प्रतिस्पर्धी दैनिकांनी अंशतः यापूर्वी अवलंबला आहे. पण बदलत्या काळात तो सर्व दैनिकांच्या संपादकीय विभागात दिसला तर नवल वाटायला नको. हा बदल म्हणजे, संपादकीय विभागातील कर्मचाऱ्यानी स्वतः संगणकावर पान लावायचे. गोष्ट वाटायला एकदी साधी आहे, पण हे येत नाही म्हणून दिव्य मराठीतील अनेकांच्या हातात नारळ मिळणार आहे आणि भविष्यात जवळपास सर्वच मोठ्या दैनिकांत हा पायंडा पडणार आहे. लोकमतमध्ये पान लावता ज्याला येते, त्यालाच प्राधान्य असते. दिव्य मराठीने गेल्या दीड महिन्यापासून आपल्या संपादकीय कर्मचाऱ्याना संगणकावर पान लावणे शिकवण्यासाठी प्रशिक्षण सुरू केले आहे. पुढच्या काही दिवसांत कोणत्याही क्षणी या कर्मचाऱ्यावर स्वतःचे पान स्वतः लावण्याची जबाबदार पडू शकते. लोकमत आणि दिव्य मराठी यांनी पूर्णपणे हा बदल केल्यानंतर सकाळ, पुण्यनगरी हीच दैनिके उरतात जिथे वृत्तपत्राचे पान डिझायनर लावतात. दिव्य मराठीने हे प्रशिक्षण सक्तीचे केल्यापासून जुनी मंडळी ज्यांनी मोठ्या कठीणतेने बातम्या टाइप करण्याचे शिकले होते, त्यांना हादरे बसू लागले आहेत. अनेकांनी शनिवारी, रविवारी झालेल्या पुढारीच्या मुलाखतींना हजेरी लावली आणि तिथे मोठा पगार, मोठे पद अशा अपेक्षा आळवायला सुरुवात केली. अर्थात पुढारी लगेचच संपादकीय विभागानेच पाने लावावीत, हा आदेश काढणार नाही. त्यामुळे त्यांना आता पुढारी सोईचा वाटू शकतो. पुढारीच्या मुलाखतीला आलेल्या एकूण उमेदवारांपैकी जवळपास ८० टक्के उमेदवार हे सांजवार्ता, आनंदनगरी, लोकपत्रसारख्या लोकल दैनिकांतून आले होते. त्यात संधी द्यायची झाली तरी किती जणांना देणार, हा प्रश्नच आहे. कारण प्रतिस्पर्धी दैनिकांच्या तुलनेत आवृत्ती काढण्यासाठी अनुभवी, गुणवत्तापूर्ण मनुष्यबळ पुढारीला लागणार आहे. त्यामुळे दिव्य मराठी, लोकमतमधील या अनुभवींचा त्यांना फायदा होऊ शकतो. अनुभवसंपन्न असले तरी, केवळ तंत्रज्ञानाच्या सोबत न चालल्यानेही नामुश्की त्यांच्यावर आली आहे. त्यामुळे बदलत्या काळानुसार आता पत्रकारांनी केवळ मराठी टायपिंग  एवढेच न शिकता क्वॉर्क एक्स्प्रेस, इनडिझाईन आदी सॉफ्टवेअर लिलया हाताळणे शिकले पाहिजेत. त्यावर पानमांडणी तर यायलाच हवी, पण वेगवेगळ्या गोष्टी शिकून पान कसे आकर्षित करता येईल, याबाबतही मेहनत घ्यायला हवी. हे बदल आताच अंगिकारले नाहीत, तर असून हुशारी आहे घरी असे म्हणण्याची वेळ येऊ शकते. औरंगाबादमध्ये बोटावर मोजण्याइतपत पत्रकार संगणक हाताळण्यात सराईत आहेत. ही संख्या वाढायला हवी. दिव्य मराठीने सक्ती केली म्हणून पान लावणे शिकल्यापेक्षा आपल्या गुणवत्तावाढीसाठी जे गरजेचे आहे, हा दृष्टीकोन ठेवला पाहिजेत. सकाळने हा प्रयोग दोन-तीनदा अवलंबला आहे, पण शिकलो तर आपल्यालाच पान लावायला सांगतील म्हणून अनेकांनी या प्रयोगाला प्रतिसाद दिलाच नाही. मोजक्याच कर्मचाऱ्यानी या प्रयोगाचा लाभ घेतला आहे.जे पत्रकार काळा बरोबर चालणार नाहीत, ते चांगली बातमी लिहिता येऊनही या क्षेत्राच्या बाहेर पडतील आणि कालबाह्य होतील, तेंव्हा आजच सावध व्हा !
- बेरक्या

रविवार, २४ जुलै, २०१६

पुढारीसाठी दुस-या दिवशीही मुलाखती

औरंगाबाद - पुढारीच्या औरंगाबाद आवृत्तीसाठी  दुस-या दिवशीही मुलाखती पार पडल्या.या मुलाखतीसाठी लोकमत,दिव्य मराठी,महाराष्ट्र टाइम्स,पुण्यनगरी,सकाळसह सर्व मोठ्या वृत्तपत्रातील कर्मचारी उपस्थित होते.दिवसभरात किमान ५० ते ६० जणांनी मुलाखती दिल्याची माहिती बेरक्याच्या हाती आहे.
पुढारीची औरंगाबाद आवृत्ती येत्या १७ सप्टेंबरपासून सुरू होत आहे.संपादकीय विभागासाठी शनिवारपासून मुलाखती सुरू झाल्या आहेत.रविवारीही या मुलाखती पार पडल्या.या मुलाखतीसाठी कालपासून आजपर्यंत लोकमतचे दहा,दिव्य मराठीचे १६, सकाळचे चार,महाराष्ट्र टाइम्सचे दोन,पुण्यनगरीचे दोन आणि इतर सर्व स्थानिक दैनिकाचे कर्मचारी होते.जे सध्या कुठेच काम करत नाहीत,त्यांचा भरणा अधिक होता.त्याचबरोबर लोकमत,दिव्य मराठी,सकाळमधून आलेले सर्वजण ट्रेनि आणि कमी पगारचे होते.मान्यवरापैकी कोणीच नव्हते,अशी माहिती आहे.पुढारीचे प्रशासन प्रतिस्पर्धी दैनिकापेक्षा अधिक पगार द्यायला तयार नाही,त्यामुळे कोणीच जायला इच्छुक नसल्याची माहिती आहे.

शनिवार, २३ जुलै, २०१६

पुढारीमध्ये संपादकीय विभागासाठी मुलाखती सुरू

औरंगाबाद - १७ सप्टेंबरपासून सुरू होणा-या पुढारीच्या औरंगाबाद आवृत्तीसाठी संपादकीय विभागासाठी मुलाखतीचा सिलसिला सुरू झाला आहे.रिपोर्टर ते वृत्तसंपादक पदासाठी शनिवारी एकूण ६० ते ७० जण मुलाखतीसाठी उपस्थित होते.त्यात बंद पडलेल्या लोकपत्र,स्थानिक दैनिक सांजवार्ता,आनंद नगरी या वृत्तपत्रातीलच भरणा अधिक होता.लोकमत,दिव्य मराठीतील मोजके लोक हजर होते.सकाळमधील एकही कर्मचारी दिसला नाही.
पुढारीच्या औरंगाबाद आवृत्तीसाठी जाहिरात,वितरण,प्रॉडक्शन,प्रशासन आणि प्रिंटीग विभागाच्या मुलाखती नुकत्याच पार पडल्या होत्या.त्यात युनिट हेडने वशिलेबाजी केल्याचे बेरक्याने निदर्शनास आणून दिल्यानंतर संपादकीय विभागाच्या मुलाखतीसाठी कोल्हापूरहून चौघांची खास टीम औरंगाबादेत आली आहे.त्यांनी मुलाखती घेताना युनिट हेड आणि निवासी संपादकास दूर ठेवून मुलाखती घेतल्या.मात्र प्रतिस्पर्धी दैनिकातील लोक कमी आल्याने पुढारीकारांचा भ्रमनिरास झाला आहे.
युनिट हेडने सकाळमधील टीम फोडण्याचा प्रयत्न केला होता,परंतु सकाळमधील एकही कर्मचारी मुलाखतीसाठी आला नाही.लोकमतचे चौघे आणि दिव्य मराठीतील सहाजण मुलाखतीसाठी आले होते.त्याची लिस्ट बेरक्याच्या हाती आहे,परंतु त्यांचे भवितव्य लक्षात घेवून बेरक्या ही लिस्ट प्रसिध्द करणार नाही.
एकंदारीत रागरंग पाहता,पुढारी औरंगाबादेत १७ सप्टेबर रोजी सुरू होणार,अशी चिन्हे आहेत.पहिल्या टप्यात औरंगाबाद शहर आणि जिल्हा,दुस-या टप्यात जालना आणि तिस-या टप्प्यात बीड या तीन जिल्ह्यातच पुढारी जाणार आहे.लातूर किंवा नांदेडला प्रिटींग युनिट बसल्यानंतर नांदेड,लातूर,परभणी,हिंगोली सुरू होणार आहे.सोलापूरला प्रिटींग युनिट बसल्यानंतर उस्मानाबादला अंक दिला जाणार आहे.त्यामुळे सध्या तरी औरंगाबाद पुढारी फक्त औरंगाबाद,जालना जिल्ह्यापुरताच मर्यादित आहे.

सोमवार, १८ जुलै, २०१६

नागपूरमध्ये पाच पत्रकारांवर हल्ले

नागपुर: महाराष्ट्रात पत्रकारांवर होत असलेले हल्ले थांबायचे नाव घेत नाहीत.आज नागपूरमध्ये पाच पत्रकार आणि कॅमेरामनला एका शिक्षण संस्थेत मारहाण केली गेली,तसेच पत्रकारांची गाडी जाळण्याचाही प्रयत्न झाला.अहिल्यादेवी होळकर आश्रम शाळा असे या शिक्षण संस्थेचे नाव आहे.या संस्थेत अनेक घोटाळे सुरू अस्लयाच्या तक्रारी होत्या.खोटी पट संख्या दाखवून अनुदान लाटले जात असल्याचेही सांगितले जात होते.या सर्व आरोपांची शहानिशा कऱण्यासाठी महाराष्ट्र वन चॅनलचे नागपूर ब्युरो चीफ गजानन उमाटे आणि कॅमेरामन सौरभ होले तसेच आयबीएन लोकमतच्या रिपोर्टर सुरभी शिरपूरकर,कॅमेरामन प्रशांत मोहिते आणि सुनील लोढेे संस्थेत गेले असता तेथे संस्थाचालक श्रीकृष्ण मते आणि त्यांच्या मुलांसह काही कर्मचार्‍यांनी पत्रकारांवर हल्ला करीत त्यांना मारहाण केली.महिला पत्रकारही या मारहाणीतून सुटल्या नाहीत.या घटनेमुळे माध्यमामध्ये संतापाची लाट उसळली आहे.

रविवार, १७ जुलै, २०१६

जळगावच्या दिव्य मराठी युनिटकडून स्टेट एडिटरला शेंडी !!


● *'दिव्य मराठी'ची आजची जळगाव आवृत्तीतील पान 2 वरील चोपड्याची बातमी म्हणजे मोठा विनोद आहे*. बातमी कशी असू नये, याचे उत्तम उदाहरण!! ओढून-ताणून लिहिलेली, मनाला येईल ते फेकम-फाक केलेली टेबलस्टोरी!! असं सोशल मीडियात चालतं, मुद्रीत माध्यमात नाही!!
● हा 'ग्राऊंड रिपोर्ट' असल्याचे म्हटलेय. त्यात *नजनपाटील रविवारी पुन्हा चोपडा पोलीस ठाण्यात रुजू झाले* असे म्हटले आहे. आणि तसे जर ते झाले नसतील तर हा वार्ताहर ग्राऊंडवर जाऊन फक्त चकाट्या पिटून आला, असेच म्हणावे लागेल. कारण नजनपाटील रुजू झाले, या एकाच गृहीतकावर ही 'न झालेल्या बदलीची' बातमी रंगविलेली आहे. ते रविवारी सायंकाळपर्यंत रुजू झालेले नव्हते, असं याच बातमीतील कोटमध्ये SP म्हणताहेत. हा कोट साहजिकच "ग्राऊंड"वरून परत आल्यानंतर जळगावात डेस्कवरून/ऑफिसमधून घेतला असेल. त्यात SP रुजू नाही म्हणताहेत तर हे वार्ताहर त्या आधी "ग्राऊंड"वर नजनपाटलांना कोणाकडे रुजू करून आले?? यातूनच ही फुसकी व फसवणूक करणारी खोटारडी व तथ्यहीन बातमी आहे, हे स्पष्ट होतेय!
● "नजनपाटील असोत वा नसोत, त्यामुळे चोपडा शहरातील जीवनमान काहीच बदलले नाही," हे बातमीतील अत्यंत विनोदी वाक्य आहे. हे तर जनरलाईज्ड स्टेटमेंट आहे. असं कुणीच कुठे गेलं तरी कोणत्याच शहरातील नागरिकांच्या जीवनमानावर फरक पडत नाही. खडसेंसाठी एव्हढी जन आंदोलने झाली, जिल्हा पेटला... मात्र, ते पदावरून गेल्याने कुणाच्या जीवनमानात काही फरक पडला का? नजनपाटील तर त्या तुलनेत अत्यंत किरकोळ!! उद्या SP,  फडणवीस गेले पदावरून तरी कुणाच्या जीवनमानात फरक पडणार नाही!!
● आता या बातमीत हेडिंगमध्ये "5-10 जणांचा स्वार्थ" असे म्हटलेय; पण हा स्वार्थ काय, ते 5-10 जण नेमके कोण हे बातमीत कुठेही सांगितलेले नाही!! "इगोमुळे 4 दिवस चर्चा" असे म्हटलेय; मात्र ईगो कुणाचा आणि काय? हे कुठेही बातमीत सांगितलेले नाही. *ही 100% टेबलवर पकवलेली स्टोरी आहे!!* यात नेमकं, नावासह, स्पष्ट काहीही नाही.... नागरिकांनी मते व्यक्त केल्याचे बातमीत म्हटलेय, पण त्यांची नावे, हुद्दा व फोटो नाहीत!! मग कोण ते नागरिक?? "भास्कर"च्या "ग्राऊंड रिपोर्ट" गाईडलाईन्सला छेद देणारी ही बातमी आहे.
● *ही बातमी म्हणजे मुख्य संपादकाला शेंडी लावून त्याची दिशाभूल करण्याचा प्रकार आहे*!! काल त्यांनी जळगावात सर्वानाच झापून काढले. नेमकी ही माहिती औरंगाबादहून लीक झाली!! खरेतर चूक सुधारण्याची संधी होती जळगाववाल्यांना!! पण त्यांनी "गिरे भी तो टांग उपर" असा प्रकार करून तथ्यहीन बातमी दिली. Far Away From Facts अशा या टेबल बातमीत "नजन पाटील रुजू झाले आणि त्यांची बदली झालीच नाही" ही दोन मुख्य गृहितकेच चुकली आहेत... वाईट वाटतं ते एकाच गोष्टीचं की गणेश सुरसे सारखा चांगला रिपोर्टर कुणाचा तरी अट्टाहास आणि ईगो जपण्याच्या नादात वापरला गेला, त्याचं नाव खराब झालं!!!
याच विषयावर लोकमत मधील बातमी...
👇🏻👇🏻
http://epaper.lokmat.com/newsview.aspx?eddate=07/18/2016&pageno=3&edition=13&prntid=22833&bxid=27134952&pgno=3
आता ज्या 4-5 लोकांचा स्वार्थ आहे आंदोलनामागे ने नेमके कोण आहेत??
सक्तीने बंद करायला लावणारेच कदाचित स्वार्थी असतील....
'दिव्य मराठी'च्या बातमीत उल्लेख असलेले स्वार्थी!!
आता या नजनपाटील च्या बदली न होऊ देण्यात या लोकांचा काय स्वार्थ आहे ते तरी कुणी खुलासा कृपया करावा!!
म्हणजे "दिव्य मराठी"च्या बातमीत ज्यांचा "फक्त 4-5 स्वार्थी लोक" असा उल्लेख आलाय तेच का हे लोक?? "लोकमत"च्या बातमीतील नावे या लोकांची आहेत का??
'दिव्य मराठी'च्या बातमीत नजनपाटील रविवार सायंकाळपर्यंत रुजू झाले नव्हते, असा उल्लेख आहे; म्हणजे SP सुपेकर यांनीच ते सांगितलं आहे.
याच बातमीत नजनपाटील म्हणतात, रविवारी रात्री मी रुजू झालो आहे.
खरे काय आहे? - *नजनपाटील रुजू झाले आहेत की नाही??*
आता 'लोकमत'ची बातमी पाहा. नजनपाटील रविवारी सायंकाळी सहा वाजता पोलीस स्टेशनला आले पण त्यांनी पदभार स्वीकारला नाही!!
याचा अर्थ दिव्य मराठी किंवा लोकमत यातील एक बातमी खोटी आणि दिशाभूल करणारी आहे...
किंवा
*नजनपाटील हा अत्यंत खोटारडा अधिकारी आहे. त्याने आपण रविवारी रुजू झालो, हे 'दिव्य मराठी'ला खोटेच सांगितले!!*
किंवा
मग SP तरी खोटारडे आहेत. कारण नजनपाटील म्हणतात, मी रविवारी रात्री रुजू झालो; पण SP म्हणतात, रविवारी रात्री उशिरापर्यंत रुजू झालो नव्हतो...
*आता नेमकी फॅक्ट काय...?*

छेड काढणा-या आर्टिस्टची महिलेने केली चप्पलने धुलाई

पिंपरी - चिंचवड  : अलिबागमध्ये चप्पलेने मार खावून पिंपरी चिंचवडमधील एका दैनिकात आलेल्या आर्टिस्टने तोच गुण उधळल्याने एका महिला सहकारीने चप्पलने धुलाई केली.त्याची पिंपरी चिंचवडमध्ये चवीने चर्चा सुरू आहे. 
 एका महिला सहकारीने अश्लील वर्तणूक करणाऱ्या आर्टिस्ट/पेजमेकरला कार्यालयात चपलेने बडविले; पोलीस स्टेशनला महिला PI समोरच दोघा साथीदारांनी केली धुलाई!! महिला PI नेही धुऊन काढला, श्रीमुखात लगावली; पोलीस स्टेशनबाहेर काढायला लावल्या उठबशा!!!
● रायगडातही अशाच वर्तणुकीचे राहिलेय ट्रॅक रेकॉर्ड!!!
 *सु*वर्तनाच्या हमीवर महिला PI ने केली तक्रार नील; म्हटली, काही दिवसांनी पुन्हा घेणार कार्यालयीन वातावरण व महिला कर्मचारी स्थितीचा *आढावा*....
● पर्सनल मॅटर म्हणून तत्कालीन संपादकीय *पुरुष* प्रमुखाने *उत्तम* भूमिका न निभावल्याने ओढवला वृत्तपत्राच्या बदनामीचा कटू प्रसंग!!

'दिव्य मराठी' वाल्यांना लागल्या मिर्च्या


● "दिव्य मराठी"त जळगाव आवृत्तीत गेले 3 दिवस नगर अत्याचार प्रकरणी बातमीची एकही ओळ छापून येत नसल्याने विक्रांत पाटील यांनी केलेल्या पोस्टने संबंधित संपादकीय प्रमुख *दीक्षित* व *पटवे* यांना चांगल्याच मिर्च्या लागल्या आहेत!! खरेतर याबाबत त्यांनी आत्मपरिक्षण करणे गरजेचे होते. पत्रकारिता करताना काय छापावं हा अधिकार संपादकांचा असेल कदाचित (तसा फालतू युक्तिवाद अनेक जण स्वत:च्या चुका लपवताना करतातही!) पण इतकी भयानक घटना घडत असताना संपादक दोन ओळींची बातमी छापणार नसतील तर त्यांना आणखी कोणती उपमा द्यायची??
● लाज वाटायला हवी त्यांना जबाबदारी निभावताहेत तर नेमकं पाहायला नको का? त्यांचं सामाजिक भान कदाचित मेले असेल!! पदं ही काही खुर्च्या उबवायला दिलेली नाहीत. काय छापायचं हा संपादकांचा अधिकार ही पुराणातली वांगी झालीत. वाचकांना काय हवं ते देणं आणि कोणतंही सत्य दडपून न ठेवणं, जे आहे जसं आहे तसं छापणं हे संपादकाचं आता कर्तव्य आहे. त्याचं दैनिक विकत घेऊन वाचणाऱ्या प्रत्येकाला तो बांधील आहे. 'दिव्य मराठी'चा वार्षिक वर्गणीदार म्हणून मलाही तो हक्क आहेच
- विक्रांत पाटील
● असो!! मी ही पोस्ट माझ्या FB वरही पोस्ट केली आहे. त्यातही पटवेला नालायक म्हणजे जबाबदारी पेलण्यास लायक नसलेला, म्हटले आहे. पटवेने थेट माझ्याशी बोलावे (एका संपादकाने वाचकाशी!!) कोर्टात जावे आणि अब्रू असेल तर नुकसानीचा दावा करावा. मात्र, समोरून, स्वतः थेट लढेल तर तो पटवे कसला??? पटवेने नेहमीप्रमाणे बायकी धंदे करीत स्वतः बोलण्याची हिंमत नसल्याने नंदुरबारच्या निलेश पाटील नामक एका ग्रामीण वार्ताहराला पुढे करून कॉल करायला सांगितला. +91 9420375337 या क्रमांकावरून या निलेश पाटील महोदयांनी 7 वाजून 29 मिनिटांनी 2 मिनिटे 8 सेकंदांचा कॉल केला... पटवे साहेबासाठी या निलेश पाटीलचा जीव जणू तळमळत होता. व्यक्तिगत निंदानालस्ती झाली म्हणे!!
- विक्रांत पाटील
● अरे बाबा निलेशराव महोदय, आपण कशाला नको ते उद्योग करता?? स्वामिनिष्ठा कुठे दाखवावी?? त्या पटवेला स्वतः ला त्याची लाज वाटू द्या!! त्याच्या चुकीची जबाबदारी त्याला घेऊ द्या!! त्याला बायकी धंद्यात नव्हे, योग्य कार्यात साथ द्या!! योग्य कार्यात मलाही, केव्हाही, कधीही आवाज द्या... पण ही दुसऱ्या नालायकांची धुणी धुवत बसू नका!! या पटवेची तरफदारी आपण करताय ना? 16 लोकांचे राजीनामे घेऊन त्यांच्या पोटावर लाथ मारताना त्याला लाज वाटली नाही का? असेल हिंमत तर विचारा त्याला!! तेही तुमचे जळगावातील साथीदार होते की दिव्य मराठीतील!!साथ नेहमी चांगल्या कार्यात असू द्या!!
- विक्रांत पाटील

https://m.facebook.com/story.php?story_fbid=10208493710353017&id=1015222386

फेसबुक वर शेअर करा

Facebook